Забур 7 bob

Гуноҳкорга жазо, покдилга нажот.  БЕНЯМИНЛАР ЎҒЛИ КУШНИНГ ҚИЛМИШЛАРИ ҲАҚИДА ДОВУДНИНГ ХУДОВАНДГА ЎҚИГАН ГИРЯСИ.

1 Сендан мен паноҳ топдим, эй Худованди каримим, Ҳамма қасдимга тушганлардан қутқар, халос эт!
2 Сендан мен паноҳ топдим, эй Худованди каримим, Ҳамма қасдимга тушганлардан қутқар, халос эт!
3 Акс ҳолда шердайин жонимни тишлаб парчалар, Чилпарчин бўларман, халоскорим қолмасдан.
4 Эй Худованди каримим, Агар гуноҳ иш қилган бўлсам, Қўлимни ноҳақликка булғаган бўлсам,
5 Пок ниятлига ёмонлик қайтарган бўлсам, Сабабсиз ғанимни ғорат қилган бўлсам,
6 Унда душман жоним пайига тушиб, қувиб етсин, Ҳаётимни ерда топтаб, номусимни тупроққа қорсин.
7 Эй Худованд, ғазабинг ила тур! Ёвларим зўғимига қарши кўтарил! Воқиф бўлиб, мени одил ҳукм қил!
8 Халқлар жамоати Сени ўрасин; Улар устидан юксак ўрнингни олгин!
9 Эй Худованд, қавмларни ҳукм этувчи! Мен солиҳман, кўнглим пок, Юзимни ёруғ қилгин, эй Худованд!
10 Фосиқлар ёвузлиги барҳам топсин, Солиҳни-ку Сен асрарсан, эй одил Худо, Юраклару кўнгилларни синовдан ўтказувчи!
11 Менинг қалқоним Худо бўлур; Покдилларга У нажот берур.
12 Худо одил ҳукм чиқарур, Ҳар кун тегишлича чора кўрур.
13 Фосиқ бўлса, гуноҳ йўлдан қайтмас. У шамширин чархлаб, шай қилган камонин.
14 Тирларини ёнадиган қилиб, Ўзига ўзи ажал сипоҳиси бўлган.
15 У нотўғрилик тухумини босиб, Касофат жўжаларини очиб чиқар, Оқибатда ўзини ўзи алдар.
16 Ўзгага чоҳ қазиган киши Қазиган чоҳига ўзи қулар.
17 Ўзгага фалокат тилаганнинг фалокати Ўз оёғи остида бўлар. Муштумзўрнинг мушти ўзига қайтар.
18 Мен Худованднинг адолатини куйлаб шукрлар дейман, Тангри Таолонинг номини тараннум этгайман.