Забур 51 bob

Худосиз мақтанчоқнинг қисмати. ИЖРОЧИЛАР РАҲБАРИГА. ЭДЎМЛИК ДЎЭГ ШОУЛ ОЛДИГА БОРИБ: «ДОВУД АХИМАЛИКНИНГ УЙИГА КИРИБДИ», – ДЕБ БИЛДИРГАН ПАЙТДА ДОВУДНИНГ АЙТГАН ҚАСИДАСИ.

1 Эй зўравон, нечун ёвузлигинг билан мақтаниб, «Тангри инояти менга доим ёр», деб юрасан?
2 Эй зўравон, нечун ёвузлигинг билан мақтаниб, «Тангри инояти менга доим ёр», деб юрасан?
3 Эй зўравон, нечун ёвузлигинг билан мақтаниб, «Тангри инояти менга доим ёр», деб юрасан?
4 Ҳой ҳийлагар, нияти бузуқ, Кескир устарадекдир тилинг!
5 Сен яхшиликдан кўра ёмонликни, Ҳақиқатдан кўра ёлғонни ортиқ севасан.
6 Эй сен, макрли тил, Қинғир мақсадларни ортиқ севасан!
7 Тангри Ўзи сени абадий ҳалок қилади, Сени чодирингдан қувиб чиқаради, Тириклар диёридан илдизингни қуритиб ташлайди.
8 Солиҳлар буни кўриб, қўрқадилар, Унинг устидан кулиб, дейдилар:
9 «Қаранг, Худони таянчим деб билмаган, Давлати кўплигига эътиқод қўйиб, Бойлигига ишонган одамнинг оқибати шу!»
10 Мен эса Худо уйида яшнаб турган зайтун дарахти кабиман, Илалабад Худо иноятига суяниб, умид қиламан.
11 Сенга мангу шукрлар дейман, ё Раб, Чунки буни Сен бажардинг. Сенинг исмингга умид қиламан, Зеро азизларинг наздида эзгудир исминг.