Забур 3 bob

Худованднинг ёрдамига умидворлик. ЎҒЛИ АБУСАЛОМДАН ҚОЧАЁТГАН ПАЙТДА ДОВУДНИНГ АЙТГАН САНОСИ.

1 Эй Худованд, Ёвларим қанчалик кўпайиб кетган! Сон–саноқсиздир менга қарши чиқаётганлар!
2 Эй Худованд, Ёвларим қанчалик кўпайиб кетган! Сон–саноқсиздир менга қарши чиқаётганлар!
3 Кўплар менинг жонимга қасд ила: Худодан унга нажот йўқ экан, демоқдалар.
4 Бироқ Сен, эй Худованд, Менинг қалқоним, менинг иззатимсан, Бошимни баланд кўтарадигансан.
5 Худовандга фарёд қилганимда, У мени тинглар Ўзининг муқаддас тоғидан.
6 Мен тинчгина ухлаб, хотиржам уйғонаман, Зеро Худованд менга мададкор бўлур.
7 Қўрқинч солмас менга ҳар ёқдан қуршаб, Минглаб ёпирилган оломон.
8 Эй Худованд, ўрнингдан тургин, Қутқаргин мени, эй Худойим! Сен барча душманларим жағига уриб, Фосиқлар тишини синдириб ташлайсан!
9 Нажот – Худованддандир; Сенинг баракатингдан халқинг баҳраманд бўлғай!