1 Ijrochilar rahbariga. Dovud sanosi.
2 Ey Egam, qachongacha meni unutasan? Meni to abad unutasanmi? Qachongacha yuzlaringni mendan yashirasan?
3 Qachongacha jonim azobda qoladi? Kun bo‘yi yuragim g‘amga to‘ladi? Qachongacha dushmanim mendan ustun keladi?
4 Javob ber, ey Egam Xudo, boq holimga! Kuchimni qaytargin, toki ketmayin o‘lim uyqusiga
5 “Uni yengdim”, deb aytmasin dushmanim, Yiqilganimda sevinmasin yovlarim!
6 Men umid bog‘layman sodiq sevgingga, Najotingdan qalbim to‘ladi quvonchga. Ey Egam, qo‘shiq aytaman Senga Inoyat aylaganing uchun menga.
