1 Egamizga hamdu sanolar bo‘lsin! Hamdu sano ayting, ey Egamizning qullari, Hamdu sanolar bo‘lsin Egamizning nomiga!
2 Egamiz nomiga hozir ham, Abadulabad olqishlar bo‘lsin.
3 Sharqdan g‘arbga qadar Egamizning nomiga olqishlar bo‘lsin!
4 Egamiz barcha xalqlar ustidan yuksalgan, Uning shuhrati samolardan ham buyukdir.
5 Egamiz Xudoga kim o‘xshaydi?! U yuksakda taxt qurgan.
6 U samoga, yer yuziga egilib, qaraydi.
7 Tuproqqa qorilgan bechorahollarni U ko‘taradi, Faqirlarni axlat uyumidan olib, yuksaltiradi.
8 Ularga shahzodalar yonidan joy beradi, O‘z xalqining shahzodalari bilan birga o‘tqazadi.
9 Befarzand ayolni o‘z uyida U sharaflaydi, Unga farzand ato etib, baxtiyor qiladi. Egamizga hamdu sanolar bo‘lsin!
