1 Dovud sanosi. Ey Egam, to‘g‘ri yurganim uchun Meni oqlagin. Qoqilmasdan Senga tayandim.
2 Sinab, imtihon qil meni, ey Egam! Yuragimni, niyatimni sinab ko‘r!
3 Sening sodiq sevging ko‘z o‘ngimdadir, Senga doim sodiqman.
4 Yolg‘onchilarga men sherik bo‘lmayman, Munofiqlar bilan do‘st bo‘lmayman.
5 Fosiqlar to‘dasidan nafrat etaman, Qabihlarga men sherik bo‘lmayman.
6 Namoyon qilmoq uchun aybsizligimni Qo‘llarimni yuvaman, ey Egam. Qurbongohing atrofida yuraman,
7 Baland ovoz ila shukrona qo‘shig‘ini kuylayman, Jamiki mo‘jizalaring haqida aytaman.
8 Ey Egam, sevaman Sen maskan qilgan uyni, Ulug‘vorliging porlagan joyni.
9 Gunohkorlar qatori jonimni olma, Qonxo‘rlar qatori hayotimga chek qo‘yma.
10 Ularning qo‘llari tuzadi yovuz reja, O‘ng qo‘llari poraga to‘la.
11 Men esa pok hayot kechiraman, Qutqar meni, qil menga shafqat.
12 Oyoqlarimni chakki bosmayman, Ey Egam, ulug‘ yig‘inlarda Seni olqishlayman.
