1 Yalang‘och Ishayo xalq uchun nishonadir.
Ishayo 20 bob
1 Ossuriya shohi Sargon o‘z lashkarboshisini Ashdod shahriga yubordi. Lashkarboshi kelib Ashdodni qo‘lga oldi.
2 O‘sha paytda Omiz o‘g‘li Ishayoga Egamiz shunday dedi: — Qani, egningdagi qanorni yech, oyoqlaringdagi choriqlaringni yech. Ishayo aytilganlarni qildi. U yalang‘och, yalangoyoq yuradigan bo‘ldi.
3 Shunda Egamiz dedi: — Qulim Ishayo uch yil yalang‘och, yalangoyoq yurgani Misr va Habashiston to‘g‘risida belgi va nishona bo‘ldi.
4 Ossuriya shohi Misr asirlarini, Habashiston tutqunlarini, yoshu qarisini yalang‘och, yalangoyoq, uyatli joylari ochiq holda haydab ketadi. Misr sharmanda bo‘ladi.
5 Habashistonga umid bog‘lagan, Misrdan faxrlangan xalq isnodga qoladi.
6 O‘sha kuni qirg‘oqdagi yurtning aholisi shunday deb aytadi: “Biz ishonganlarning ahvolini ko‘rib qo‘ying. Ular bizga yordam berib Ossuriya shohining qo‘lidan qutqaradi, deb yurardik. Endi qanday qutularkanmiz?!”
